2013回顧,2014展望!

2013
首先個blog係由yahoo轉黎blogger啦,
途中因為屋企有事d錢拎曬去應急冇曬,
到左而家只係得一手#3988同一手#405既股票,
以及一萬左右既現金作為我既資產,
雖然係咁,但我覺得今年好充實,
至少學識左期權呢樣衍生產品,
其實只要用得其所,
佢既風險係近乎零,
而且可以增加回報率!
2014
希望明年可以實行我既另類月供股票,
加上出年既花紅,
希望至少會買到13次股票!
當然最緊要既係個人健健康康
並可以慢慢去達到我既財務自由!

財不入急門

今日有位朋友向我訴苦,
佢尋日再開市時買入了期指,
在下午時止蝕離場一共輸了差不多2萬,
足足係普通打工仔的兩個月人工,
就在一日中的數小時內蒸發,
佢其實一直都有買賣期指,
一直都每日贏少少,
一贏錢就會周圍唱開去同亂買野,
而且每次一齊食飯時都笑我的財務自由之路太慢,
今次佢一次過輸突,
就證明了實行財務自由雖然時間較長,
但風險卻比期指等等低好多。

PS:你想刺激地輸,定悶悶地贏?!
我選擇左後者!

跌穿大量支持位

開市高開至23404點亦係全日最高位,

之後一直向下,

下就更曾跌至22753點,

收市報22888點跌255點

全日波幅超過6百點,

我係今日收市亦進行左入市行動,

$3.52買入1000股#3988,

慢慢去收集不同既優質股,

有買貴冇買錯,

亦要保留一些金錢做待熊基金!

另類月供股票

我係之前既blog曾經提到我會進行月供股票計劃,

但我細心諗後發覺訪間月供股票計劃既收費都唔算便宜,

於是我得出一個我自己本人既新計劃!

首先本人平常都係每月儲起$5000作投資用途,

如今進行自制月供股票,

例如買入一手3988/405等,

大約三千多不足四千,

剩下的全部都儲起黎用作做一個待熊基金(約$1000)。

仲記得我剛開呢個blog時,

我曾經講過跌穿22000點先會入第一注,

如今經過改良,

希望可以得到更好既效果!

買入越秀房產信託基金 (00405)

正式開始去慢慢實行的的財務自由
今日終於實行左第一步
$3.80買入405越秀房產信託基金
雖然只係1000股
但買左總比只係用口講好
再講我買呢個價位計返息率竟然高達9厘
雖然係上年派了特別息先有9厘
但唔計特別息其實都有接近7厘息
對個人黎講係非常非常值得投資
而且之前睇過止凡兄既股息投資法
總算可以通過實戰去試驗佢既可行性

閒談

好耐冇更新個blog
今日趁得閒上黎打下blog
share下近排做過既事
最近我開始將屋企d所謂"垃圾"
全部執返曬出黎..
經過一輪清潔後放上拍賣網bid走
賣左好多"垃圾"後
最後竟然收返成四千蚊..

PS::::其實大家屋企都放左好多
平時極少用甚至已經唔用既物品
但就係一直放在家中唔理佢地
我將佢地稱為"垃圾"
點解要" "上面都講左啦
呢d既"垃圾"其實賣到錢
咁到底仲係咪垃圾呢?

財務自由既定義

財務自由是指你無需為生活上開銷而努力為錢工作的狀態。
簡單地說，你的資產產生的被動收入必須至少要等於或超過你的日常開支。
這是我們大多數人最渴望達到的狀態，如果進入這種狀態，我們就可以稱之為退休或其他各種名稱。
如果你每月的開支是一千元，且你能獲得一千零一元無需勞心勞力幹活所掙來的被動收入的話，那你就已經達到這種人人都艷羨的財務自由了。
本例中的這一千元被稱為。一旦突破這個臨界點，只要不發生什麼重大的災難，你就可以不用幹活也能生活下去，當然如果你喜歡你的工作也可以繼續幹下去，或者你可以選擇你自己真正喜歡做的事，而不是為生活所迫地做那些你不樂意卻又無可奈何要做的事。

Source Come From Wikipedia

調整

恆生指數連續升左咁多日,
升左近1200點,
今日終於有個似樣d既調整,
今日跌左120點,收報23580點,
不過下面仍有23500點既支持位頂住,
睇下黎緊會唔會進一步下調,
如果穿左23500點有機會會試返23200點既位。

PS:
自從黎左BLOGGER後,
好似變左日日都係度打每日市況咁,
希望日後可以改善下,
而去講多D自己財務自由既事!

24000點有阻力!?

今日高開150點左右後,
市況反覆向下,
最終於收市微跌2點,
市況仍然keep住向好
其實大部分藍籌股今日都仲係有得升,
市場的向上動力開始減少,
且看聽日會否繼續向上,
但就本人而言,
我認為市況升得太急,
有超買的跡象,
就算要再上都應該要先行整固甚至調整,
我覺得應該要落返23200點先
再睇下到時市場會再上定係落。
冇人知道將來會係點,
所以要未雨綢繆,
係人都想係股市低位時入市,
股市高位時賣貨離場
但我地唔係神仙,
唔會知幾時到頂,幾時到底,
最近我參考左不少的網友的網址,
都有提及到月供股票,
呢樣野亦正正岩曬我而家心水,
睇下將來會唔會投入資金去進行月供股票。

超級爆升

受到三中全會的影響,
股市一日比一日升得勁,
今日升超過600點,仲曾經升穿23700點
而家夜期都升緊近200點,
睇黎24000點應該唔難去到??!
呢一,兩星期再一次證明左股市係難以捉摸,
上星期跌穿左d重要支持位,
竟然唔再跌落去不特只,
而家仲要爆升返近1200點,
上返黎呢個位置,
技術上都算係穿腳破頭,
不過我始終要堅持跌穿22000先入第1注,
呢個做法係咪正確?
我而家都要重新再考慮呢個問題
但我絕對唔會而家去高追入市
太危險,幾日大升,幾日大跌
保持平常心,慢行財務自由之路!

反彈!

正如今朝所講
尋日恆指一跌跌左咁多
今日即刻整個反彈
我預計個市都係上上落落咁慢慢跌到22000點
到時我就有得入市!
而我既首選仍然係高息既中銀3988!!!

終於整個大調整

尋日一開市就直插並且以全日最低位收市
大調整終於黎
我要快d儲多d資金
by the way今日開市就升返2百點
係技術性的反彈定係尋日只係震倉呢?
未來的事冇人會知
慢慢做返自己想及應該做既事就OK了!

落上落

今日個市就好似個標題咁
開市時就直落向下跌穿22900
中午開市時曾經升返上近開市位
但收市時又跌返穿22900
種種跡象我都覺得個市將會就黎有個大調整
咁我就可以準備入貨啦 ^^

三中全會既影響?!

今日開市都只係輕鬆上升
甚至試過倒跌
午市過後突然爆升
升超過3百點
甚至曾經升穿23100
睇黎三中全會對股市應該有不少利好因素
但我仍會堅持!
慢慢行我的財政自由路!

上落市

尋晚出左大量數據後
DJ又急升返167點
完全補返曬前一晚跌既15X點
個市真係好癲一日大升一日大跌再一日大升
呢幾日又有三中
下個星期其實都係唔太適合做任何
靜觀其變好過!
我會堅持22000點先入第1注!
你想悶悶地贏定刺激地輸?

調整嗎?

尋晚DJ跌成152點都知今日情況應該會幾差
最終於反覆上落後
曾經跌穿22700點
最終於收報22744點
計埋今日已經連續5日跌市
呢個係調整既開始嗎?
暫時我認為仲未適合入市
我會係22000點開始入第1注
慢行財務自由路!

冇啦啦又大跌?

尋晚dow jones大升128點
今日恆指低開13點後竟然直插
最多跌超過200點
而家差唔多收市都仲跌緊170點
究竟個市發生咩事?
唔通真係要調整?

新環境

好耐冇打過blog,
原來yahoo汁左粒
而家唯有轉過黎blogger呢邊
繼續我既財務自由之路
話說屋企之前有事
所以錢拎曬去應急
而家要重新開始過.....